eprom | 10 Janoary, 2015 05:07
Ianao,
Ilay sarotra afoy,
Ny foko anie voarohy,
Ny tanako fihino.
Ianao,
Ilay tsy ho adino,
Fitia lalim-paka,
Fitia nahazo laka.
Ianao,
Tokin’ny maraina,
Fitia mitondra aina,
Mameno izato androko.
Ianao,
Mila tsy ho andriko,
Andrandraiko hariva,
Iarahana mamindra.
Ianao,
Mameno ny fisiana,
Sintom-paniriana,
Ainga tsy hay toherina.
Ianao,
Hany amerimberenana,
Izao vetsompoko izao :
Tiako ianao, tiako ianao.
« | Aprily 2025 | » | ||||
---|---|---|---|---|---|---|
Ah | At | Ta | Ar | Ak | Zo | As |
1 | 2 | 3 | 4 | 5 | ||
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 |