Ianao amiko

eprom | 10 Janoary, 2015 05:07

Ianao,

Ilay sarotra afoy,

Ny foko anie voarohy,

Ny tanako fihino.

Ianao,

Ilay tsy ho adino,

Fitia lalim-paka,

Fitia nahazo laka.

Ianao,

Tokin’ny maraina,

Fitia mitondra aina,

Mameno izato androko.

Ianao,

Mila tsy ho andriko,

Andrandraiko hariva,

Iarahana mamindra.

Ianao,

Mameno ny fisiana,

Sintom-paniriana,

Ainga tsy hay toherina.

Ianao,

Hany amerimberenana,

Izao vetsompoko izao :

Tiako ianao, tiako ianao.

Hevitra

Lahatsoratra^*
Anarana^*
Adiresy imailaka (tsy voatery)	E-mail me when comments occur on this article